Source: Hillsgate
Economics hi social science peng pakhat niin hmanrua leh service siamchhuah, semdarh leh hmanna chungchang zirna a ni ber a. Kan nitin nundan, ram ei leh bar zawng zawng khawih thil a nih avangin a pawimawh takzet a ni. Humanity Subject ho rau rauah chuan ngaihsan hlawh tak a ni a, social science peng hrang hrang zingah pawh 'queen of social sciences' an ti hial thin.
Economics-ah hian branch pahnih; microeconomics leh macroeconomics a awm a. Microeconomics hian sector thenkhat, eg. companies, industries or householh lam a kawk deuh bik a. Micro-economics erawh chuan demand leh supply-in thil man, hlawh leh rental te, thil punna rate a khawh danglam dan zirchianna a kawk ber thung. Economics thiam bikte hi Economist an ti thin a, ram leh khawtlang tan mai bakah mahni tan, mahni chhungkaw tan pawh an tangkai em em a ni.
India ramah chuan Economics hi High School (Class IX) atangin kan zir tan tlangpui a. Class X pass hnuah Class XI leh XII ah combination thlan tur awm zingah economics lama tui chuan economics awmna group thlan mai tur a ni a. Mahse, a subject hi a scoring loh avang leh, a dang aia a har deuh avangin zuam sual erawh a awl hle. Class XII tha taka pass theih chuan BA (Economics) zir zawm leh mai tur a ni a. A duh tan chuan Måster Degree, M.Phil leh PhD thlengin a zir theih bawk. Economics lama thi- amna sang tak nei tan chuan hna hmuh loh a awm theilo tluk a ni.
Economics thiam tan chuan finance sector, urban and rural develop- ment, foreign trade, colleges and universities, government service etc ah te hna a tam em em a. Planning commissions, management consultants leh organizations hrang hrang, Bank hrang hrangahte an ruai thin a. An hna azirin economic analyst, finance economist, econometrician, economic advisor and economist ti tein an ko thin. India ram sorkar pawhin Economist-te pualin In- dian Economics Service a siam a, service tha tak a niin Economics a master degree nei tan lo chuan exam ve theih a ni lo. Tin, tunlaia lar em em Business lam zirna ah pawh Economics thiam tan chuan chance a tha hle bawk.
Economics thiamte tan hian hna a tam em em a. India ram economics thang chho zel avang hian a la tam dawn chauh niin a lang bawk. An hna thawh theih zawng zawngte erawh chu kan sawi vek seng lovang. Mizote zingah hian Economist thiam tak kan la ngah tawk lo hle a, hei vang hian kan ram economy hmasawnna tur pawh hian ngaihven a la hlawh tawk lo deuh niin a lang. Zirlaiten kan luhchilh a, kan zir theih chuan zir a tha khawp mai. Kan rama thil man to lutuk te, mipuiten kan chanvo kan chan tawk lohna tamtakte hi a nachang hria, mithiam, economist kan neih tam tawkloh vang a ni ve pakhat a ni. Tin, economics thiamte hi khawvel khawi hmunah pawh ngaihsan an hlawh em em reng a ni tih hriat a tha bawk.
Mizoram chhunga College zawng zawng deuhthaw (Zirtiri Res. Sc. College, Law College, Hindi Training College leh Polytechnic tel lovin) ah chuan Economics hi a lak theih deuh vek a. Higher Secondary School tam zawkah pawh a lak theih bawk.
List of Top Economics Colleges in India:
1. Shri Ram college of Commerce Delhi
2. St. Stephens College Delhi
3: Hindu College Delhi
4. Ramjas College Delhi
5. Kirori Mal College Delhi
6. Presidency University Kolkata
7. St. Xaviers' College Calcutta
8. Fergusson College Pune
9. Loyola College Chennai
10. H.R College of Commerce & Economics, Mumbai
11. Madras Christian College
12. Stella Maris, Chennai
13. Symbiosis School of Economics
14. St.Alberts College, Kochi
15. Presidency college, Chennai
0 Comments