Zirna Huang: Career in Management.

Source: Hillsgate 

    Tunlai khawvelah chuan Management lam hi eizawnna duhawm berte zinga mia ni a. Hlawh sang ber berte pawh he huang amite hi an ni. India rama lehkha thiam ber berte pawhin an tum ber pakhat chu Common Admission Test (CAT) kaltlanga India rama Management zirna tha ber ber Indian Institute of Management (IIM)-a luh a ni. IIM-a lut pha ngat chin chuan hna duhawm ber ber an thawk thei reng a ni.

COURSE DETAILS:

    Management ah hian Course chi hrang hrang- Under-Graduate, Post Graduate, Post Graduate Diploma/degree course tamtak zir tur a awm a. Tin, regular a class kal theilo tan Institution tamtakin Correspondence Course an nei bawk.

    Under Graduate Course ho hi 10+2 pass hnua zir chi a ni hlawm a. Heng a hnuaia mite hi Class XII pass hnua zir theih an ni hlawm:

    BBA-Bachelor of Business Administration BBS-Bachelor of Business Studies

    BBM-Bachelor of Business Management 

    Post Graduate Course hi chi hrang hrang tamtak a awm a. Management lama hlawhtling tak tak tur chuan Post Graduate Course (MBA) hi zir ngei a ngai tlangpui a ni. A tlangpui/larzual lo tarlang ila:

    MBA (Marketing & Sales)

    MBA-IT (Information Technology) MBA (Construction Management)

    MBA (Hospital Management)

    MBA (Tour & Travel Management) 

    MBA-HR (Human Resources)

    MBA (Industrial Management)

    MBA-Biotech

    MBA (Finance Management)

    MBA (Textile Management)

    Heng Post Graduate Course-te hi Graduate hnua zir theih a ni hlawm a. Eng stream-a Graduate tan pawh MBA hi zir theih a ni a. Zir thei tur erawh chuan Entrance hautak tak paltlang a ngai deuh vek a ni.

    Tin, heng Post-Graduate Course pangngai bakah hian Diploma/Certificate Course tamtak zir tur a awm bawk a. A dlangpuiin lo tarlang leh ila:

    PG Program in Management (PGPM) - General Management

    PG Program in Management (PGPM)-IT Management

    Post Graduate Program in Management (PGPM)-Biotech Management

    Post Graduate Program in Management (PGPM)-Financial Management

    Post Graduate Program in Management (PGPM)- Human Resources (HR) 

    PG Program in Management (PGPM)- International Business 

    PG Program in Management (PGPM) - Infrastructure Management

    PG Diploma in Business management

    PG Diploma in Business Administration 

    PG Diploma in Human Resources Management

    PG Diploma in Biotechnology Management (PGD Biotech)

    PG Diploma in IT Management

    PG Diploma in Finance Management Executive MBA (eMBA) Program

    Heng Course kan tarlante hi a tlangpui a ni a. Institution hrang hrang a tam em avangin Course heng bak pawh hi Course engemawzat a la awm tih hria ila a tha awm e.

    Management zir chhuak tan chuan hna thawh tur a tam em em a. Mahni a eizawnna bul tanin kawng hrang hrangin hma a lak theih a, Corporate lian tak tak leh Multinational Company lian tak takin hnathawktu tur an zawng reng a. A thiam zual tan phei chuan hna a tam em em reng a ni.

MANAGEMENT INSTITUTES

    India rama Management lam zirna Institute-te hi B-School (Business Schools), Businees College, Business Institutes, Management College emaw Management Institutes emaw tiin an sawi mai thin a. Heng B-School-a zir hi tunlai zirlai naupang tamtakte dream a ni thin. Heng zirlai naupang lehzual, Mangement lama tuite tan hian Institu- tion tamtakin Under-Graduate Course an kalpui thin reng a ni.

    India ramah Management zirna Institute (B-School) kan tih mai hi 16,000 vel a awm a. Heng Institution hrang hrangte hi Category/Class hrang hrangah an then thin a. Kan hriatthiam theih nan a tlangpui lo tarlang ila:

Class-A: 

    B-School rau rauah Class- A an tih ho hi chu Management zirna tha chungchuang tak an ni a. Zirlaite First choice an ni. Class-A ah hian Sorkar laipuiin Management zirna tha chungchuang a din Indian Institute of Management (IIM) leh zirna tha ber bette an tela. India ram pumah IIM hi 10 chauh kan neih avangin heng Institute- ahte hian luh pawh a harsa hle a. Zirlai thiamthei chungchuang takte luhkhawmna hmun a ni a, course fee pawh sang tak a ni. A tlangpuiin IIM kan tih hoah hi chuan MBA zir man hi cheng nuai 10-12 vel a ni tlangpui.

Class-B: 

    IIM zawha zirna tha a an chhal ho hi Class B an ti a. Zirlaite second choice an ni tlangpui. Heng a zir pha tur pawh hian beih fe a ngai thin. Zir man pawh a sang a, MBA course zír man hi Rs. nuai 5-8 vel a ni tlangpui.

Class-C: 

    Zirlaite last choice chu B- School tha danga luh hi a ni a. Heng In- stitute-te hi a chunga kan sawite anga tha tak tak chu ni ve lo mah se, a zir man pawh a ziaawm deuh a. A tlangpuiin cheng nuai 2-6 vel a ni thin. Institution azirin fee structure hi a danglam nasa thei hle a ni tih hriat a tha awm e.