Source: Hillsgate
Introduction:
Tunlaiah chuan Fashion Designing hi Career tha tak leh hlawk tak a ni. Fashion Designing kan tih hian thawmhnaw ich a kaihhnawih, incheina design lam hna a kawk bera, Art ril tak a ni.
Mi creative tak, style leh originality ngaisang mi i nih a, rawng inchawih mawi dan te, thil mawi hre tak leh nalh hrethiam mi i nih chuan i tan Fashion Designing hi eizawnna tha tak a ni thei ang. Tunlai khawvelah incheina a sang a, inchei kan uar tial tial a, mi reng reng hi inchei mamawh vek kan nih avangin he hna hi hna tawp thei reng reng lo a ni bawk.
Step-by-Step:
Fashion design career zawh tur chuan qualification pawimawh tak pahnih a ngai an ti thin a, chu chu natural leh acquired a ni.
- Natural: Hei hi pianpui thiamna ti ila a fiah ber ang. A chunga kan sawi ang chi rawng inchawih mawi dan hre riau, he hna ina a mamawh ngaihtuahna fing tak leh thil thlir zau mi nih a ngai.
- Acquired skills: Hei hi chu kan hriat pangngai, recognized fashion Institute atanga zirchhuah hi a ni. Fashion Designing hi full time-in emaw, part time pawhin a zir theih reng a. A tlangpuiin hetiang lam zir ho hian Class XII an pass hnuah an zir thin. Thiamna sang tak, qualification sang tak a mamawh lem lova, zir duh tan chuan class XII pass veleh zir mai hi a finthlak awm e. Short term Course chi hrang hrang a awm ve a, hetiang Course hi Fashion Institute hrang hrangin an nei a ni.
Start Early
India rama Fashion industry than chak dan hi namai lo tak a ni. Hei hian zirlai leh thluak tha tak tak, nau- pang bright tak takte a hip khawm mek a. Hetiang zir thei tura qualification a san loh avang hian hetiang lama kal tum rau rau chuan a rang thei ang bera kal mai hi a fuh ber. Heng subject hrang hrang drawing, painting, home science leh computer graphics-te hi hetiang hna atan chuan a pawimawh hle. Mahse, Institution tha taka lut tur chuan a harsa ve deuh a, sum leh pai pawh a ngai tam ve viau.
Course pangngai zawh hnuah pawh a duh tan chuan zirzawm zel theih a ni. Tin, he eizawnna hi production leh designing ringawt a ni lova, marketing thlenga hisap lawk a ngaih avangin hetiang lam pawh hi zir thiam ve a ngai thin.
I tan hna tha a ni em?
Kan thawh chak zawng apiang hi kan milpui hna a ni kher lo tih kan sawi tawh thin a. Fashion Designer-te hi an lar a, a hna a duhawm avang maia thawh chak ve ringawt theih a ni. Mahse, a chung lama kan sawi tawh ang khian he hna hi mi nazawng thawh chi a ni lova. Pianpui thiamna a ngaih bik em avangin mahni inenfiah hmasak a pawimawh hle.
Market Watch:
Sawi tawh angin he hna hi production ringawt a ni lova, miin an duh ang em? Mi nawlpui inhmeh pui theih tur chi a ni em? tihte hi hriatthiam angal. Clothing Company kan tih ho reng reng hian hnathawktu mi chi hrang hrang an rual a. Thawmhnaw design turin fashion designer-te, puan design hrang hrang lo siamtu tur tex tile designer-te, lo ha lartu tur leh faktu tur model-te, zuarchhawngtu tur retailer-te thlengin an ruai thin a. Chuvangin, hetiang lam sumdawnna leh bna luhchilh tur chuan ngaihtu- ahna zau tak sen a ngai a ni.
Sawi tawh angin India ramah a than chak em avangin he Industry ah hian kurtin Rs. vhch 1,000 vel a che vel tawhin an ring hial a. Chu ti zozai sum leng nual nuai chu a dawh thieng Islam fuh chuan a kutah a lut ve hem hem mal dawn a ni.
International Focus:
Hlawh a that mai bakah he ca reer that lehna em em chu India ram chhung chauh ni lovin International thlenga a focus theih hi a ni. Indian Fashion Designer-te hi khawvel hmun dangah pawh an duai lo hle a, an che tha thei hle. Indian Fashion designers lar tak tak Ritu Beri, Ritu Kumar, Rohit Bal. Satya Paul leh Tarun Tahiliani-te pawh khawvel hriat an hlawh a ni.
Tin, Indian Fashion Week te pawhin event lian tak tak an organise reng a, khawvel hmun hrang hrang atangin hetiang lama tul leh mithiam an to fuankhawm thin Chu chuan In dian designer te tan chance nasa tak a siamsak a ni. Tunah hian India rama Textile market hi $25 billion vel a ni a, kumtin 15-20% vela a than ve thin avangin he career huanga zuanluh bi a ti mi tan chuan tutawm, hlawk leh nuam tak tur a ni.
DIFFERENT ROLES, DIFFERENT NAMES
Professional fashion designer kan tih hian production, fashion marketing, planning and concept management lamte a huam vek a. Tunlai phei chuan fashion media lam a chak tawh avangin hetiang lama thawk pawh tamtak an awm tawh a ni.
Costume designer, fashion consult ant, personal stylist, technical designer, graphic designer, production pattern maker or a fashion coordinator ang te pawhin a thawh theih bawk.
He Industry hi a lian khawp a, heng a kaihhnawih hna zawng zawngte pawh hi hriat ve a tha awm e: apparel production manager, fabric buyer, fabric quality control manager, show room sales representative, illustrator, cutting assistant leh outside sales representative thlengin.
HNA HMUH AWLSAM THEIH NAN..
- I talent neih thatzia i lantirna tur kutchhuak entir mai tur neih a tha.
- Designer hriat hlawh tak hnuaia thawh hi hna hmuh awlsamna pakhat a ni. Experience an ngaipawhmawh.
- Tunlaia hralh kal te i hriat a tha a. Marketing lam a ruk ngathven reng a ngai tihna a nih chu.
- Fashion house leh boutiques tih angrenga kal tam hi a tha.
- I creative tur a ni a, i danglam bik deuh tur a ni a, thil han tihdanglam zeuh a a mawi dan riau i hre tur a ni.
- I dawhthei em em tur a ni a, mi phawklek hma chi i ni tur a ni lo.
- Hnawl nih pawha hrethiam thei chi, vawi hnih khat hlawhchham a beidawng mai ang chi nih hi a tha lo hle.
- Nuam i ti em em tur a ni ringawt!
0 Comments