Source: Hillsgate
lndian Economic Service (IES) Exam hi kum tin Union Public Service Commission-in a buatsaih thin a. Kumtin June thla velah notification tihchhuah a ni thin a, November thlaah Written Exam neih a ni thin. Amaherawhchu, a date hi a țul dan anga sawn hnaih emaw, sawn hlat emaw theih a ni thung.
IES Exam-ah hian IAS exam anga Prelim/Aptitute test ang kha a awm ve lova, Main Exam a ni nghal tawp a. Paper 6 a awm a, hetiangin: General Economics paper pathum (Mark 200 theuh), Indian Economics (Mark200), General English Paper pakhat (Mark 100) leh General Studies Paper pakhat (Mark 100) a awm. Heng Paper hrang hrangte hi ni 3 chhunga exam a ngai thin a, darkar 3 chhung theuh chhan theih a ni.
 |
| Lalramdinpuii Renthlei, Mizo hmeichhe zinga IES tling hmasa ber |
Dilna (application form) hi Online a tih a ni tlangpui a, he website http://www.upsconline.nic.in. ah hian fill up tur a ni. Hmun chengker deuha chengte tan offline a submit theih a ni tho a, UPSC-in form a siamsa, Dak In atanga lachhuakin a dil theih bawk.
Age limits:
Exam kum January thla a kum 21-30 inkar nih a ngai. Hnam hnufualte tan erawh ngainathiamna a awm thung.
Educational Qualification:
Central Service dang, IAS, IFS, IPS, etc ho reng rengah qualification hi any Graduate tih a nih laiin Indian Economic Service atan chuan recognised University atanga Post Graduate Degree in Economics/Applied Economics/Business Economics/Econometrics a ngai thung. MA (Eco) result nghak lai tan dil theih a ni bawk.
Hnathawh tlangpui:
Economic policy duan leh tihhlawhtlin te, economic dinhmun zirchian leh Minister- te thurawn pek a ni ber. Indian economy chalai kual veltu an ni ber awm e. India sorkar laipui hnuaia Ministry/Department hrang hrang 35-ah duty post an nei.
Cadre strength:
IES Cadre sanction strength hi India ram pumah 501 a ni a. Heng zinga 461 hi duty post niin, 40 chu leave reserve ah dah an ni. IES hi an tam theilo hrim hrim tihna a nih ber chu. Mizoram atang phei chuan IES Service lai 2 chauh kan nei a ni. IES Officer-te hi an service tantirah Assistant Director/Research Officer in bul an tan a. An kaisanna, a sang lam atangin lo tarlang ila:
- Higher Administrative Grade +(Principal/Chief Adviser, Equivalent to the level of secretary to the Govt. of India)
- Higher Administrative Grade (Se- nior Economic Adviser / Senior Adviser, Equivalent to the level of Addl. Secretary to the Govt. of India)
- Senior Administrative Grade (Economic Adviser / Adviser, Equivalent to the level of Joint Secretary to the Govt. of India)
- Non-Functional Selection Grade (Director/ Additional Economic Adviser, Equivalent to the posts of Director in the Government of India)
- Junior Administrative Grade (Joint Director/ Deputy Economic Adviser/Deputy Adviser, Equivalent to the posts of Deputy Secretary to the Government India)
- Senior Time Scale (Deputy Director/ Assistant Adviser/ Senior Research Officer, Equivalent to Under Secretary to the Govt. of India)
- Junior Time Scale(Assistant Director/ Research Officer)
0 Comments